Here are some stories you can read, which will give you an insight as to why some students get selected or their applications are forwarded to the Management of PPCF.
अजय च्या अर्जावरची मुख्याध्यापकांची शिफारस वाचली – ‘अजय अतिशय शांत, प्रामाणिक आणि हुशार मुलगा आहे .चित्रकलेची विशेष आवड आहे. आणि तो खूप छान चित्र काढतो.’
अजय मुलाखतीच्या खोलीत आला आणि त्याला बसता क्षणी त्याच्या चित्रकलेबद्दलच प्रश्न विचारला. या प्रश्नामुळे त्याची एकदमच कळी खुलली आणि तो भरभरून बोलू लागला. त्याच्या आवडीच्या विषयाबद्दल बोलताना कुठेही बुजरेपणा जाणवलाच नाही. पुढे जाऊन त्याने त्याच्या मोबाईलवर, त्याने काढलेल्या चित्रांचे फोटो आम्हाला दाखवले. आम्ही त्याची ही कला बघून अवाकच झालो !त्याच्यात ठासून भरलेल्या क्रिएटिविटीची ती एक झलकच होती.
त्याचा सिव्हिल इंजिनिअरिंग करण्याचा मनसुबा देखील त्याने बोलून दाखवला. त्याचा शालेय अभ्यास सुद्धा खूपच चांगला आहे. विचारलेल्या सर्व प्रश्नांची तंतोतंत उत्तरे त्यांनी पटकन दिली. त्याच्या पालकांविषयी बोलताना त्याचा निरागस चेहरा बरंच काही सांगून गेला. त्याचे वडील बिगारी कामगार म्हणून काम करतात व आई लोकांकडे घर काम करते. करोना च्या काळामुळे आईची कामे कमी झाली. अत्यंत अल्प कमाईत हे कुटुंब कसे तरी आपले जीवन जगत आहेत. इतक्या प्रतिकूल आर्थिक परिस्थितीत असून देखील अजयने आपले मन शांत ठेवून आपली चित्रकला विकसित करण्याचे ठरवले.
ऑनलाईन शाळा सुद्धा त्याने 100% हजर राहून पूर्ण केली. त्याच्यातील प्रगती वाखाणण्याजोगी आहे. त्याच्या मोठ्या बहिणीचे लग्न झालेले आहे परंतु त्याचे कुठलेही कर्ज या कुटुंबावर नाही. त्यांच्या राहत्या घराबद्दल चौकशी केली असता असे समजले की ते एका छोट्याशा सिंगल खोलीमध्ये राहतात. ते देखील भाडेतत्त्वावर! या खोलीला स्वतंत्र शौचालये नसल्यामुळे सार्वजनिक शौचालयाचा वापर करावा लागतो. त्याच्या वडिलांना प्रश्न विचारले असता अजयच्या इच्छेनुसार त्याला इंजिनिअरिंगसाठी साथ देण्याची त्यांची खूप इच्छा आहे.
अशा या अत्यंत शांत, प्रामाणिक आणि हुशार मुलाला ही फेलोशिप मिळावी अशी शिफारस करत आहोत.